Dagoeneko 10.000 jarraitzaileen kopuru biribila gainditu dugu Facebooken, eta ospatzeko modu bikaina pentsatu dugu: Facebookeko orrialdean ditugun jarraitzaile horietako 100 gonbidatuko ditugu gure orkestraz gozatzera, beste pertsona batekin batera. Horietako 50 ostegunean (hilaren 23an) joan ahal izango dira, eta beste 50, berriz, ostiralean (hilaren 24an). Hau da, guztira 200 pertsona gonbidatuko ditugu gure kontzertura, sustapen honi esker.
Horretarako, lehiaketa bat jarri dugu abian Facebooken daukagun orrian; bertan, gure orrialdearen edozein jarraitzailek hartu ahal izango du parte, honako galderari erantzungo dion esaldiren bat jarriz: “Zer da BOSetik gehien gustatzen zaizuna?”. Hori eginez gero, sarrera bikoitz horietakoren baten zozketan sartuko da.
Zuen erantzuna Facebookeko gure orrialdearen sarrera hauetan utzi behar duzu:
> Ostegunean joateko
> Ostiralean joateko
Hemen dituzue oinarriak eta parte hartzeko era. Zorte on!
BOSen zozketarako oinarriak, 2016-17 denboraldiko 12. egitaraurako
Helburua:
BOSek zuekin batera ospatu nahi du Facebooken 10.000 jarraitzaile dituela, eta 50 sarrera bikoitz zozketatuko ditu martxoaren 23rako, eta beste 50 sarrera martxoaren 24rako, sare sozial horren bitartez.
Sustapenaren iraupena
2017ko martxoaren 16ko 17:00etatik aurrera parte hartu ahal izango da zozketan, 2017ko martxoaren 20ko 23:59ra arte.
Saria
Hauxe izango da saria:
– 50 sarrera bikoitz, 12. egitaraurako, martxoaren 23ko emanaldirako (osteguna).
– 50 sarrera bikoitz, 12. egitaraurako, martxoaren 24ko emanaldirako (ostirala).
Kontzertuaren fitxa: https://bilbaorkestra.eus/conciertos/bos-12/
Parte hartzeko baldintzak:
Adinez nagusia izan behar da.
Profil faltsuak edo zozketarako sortuak antzematekotan, ez zaie zozketan parte hartzeko aukerarik emango.
Zozketa Espainiako Estatuan egingo da, eta pertsona fisikoentzat izango da.
Nola parte hartu zozketetan:
Parte-hartzaileek honakoa egin behar dute:
- Honako galderari erantzutea: zer da BOSetik gehien gustatzen zaizuna?
- BOSek Facebooken daukan orrialdeko jarraitzailea izatea.
Edozein erabiltzailek har dezake parte, sustapen honetan izena emateko argitaratzen den edozein sarreraren bitartez.
Irabazleak, hala nahi izanez gero, sariari uko egin ahal izango dio. Irabazleak sariari uko egiten badio, ez du inongo konpentsaziorik jasoko horren truke.
Irabazleari modu nominalean emango zaio saria. Titular irabazleak eta laguntzaile gisa berak izendatutako pertsonak baino ez dute izango sarirako aukera. Sariaren titularrak ezin izango dio saria beste inori laga edo trukatu.
Parte-hartzaile bakoitzak sarrera bikoitz bakarra eskuratzeko aukera izango du.
Irabazleak
Zozketa ausaz egingo da, berariazko online erreminta (Easypromos) erabilita.
Zozketa martxoaren 21ean izango da, eta irabazleen izenak egun horretan bertan iragarriko dira, BOSen sare sozialen bitartez.
Zozketa bidez, 100 irabazle eta 20 ordezko izendatuko dira. Horien erabiltzaile-izenak BOSen Facebooken orrian argitaratuko dira.
Irabazleek mezu pribatu bat bidali beharko dute sare sozialen bitartez hogeita lau orduko epean, irabazleen zerrenda argitaratzen denetik zenbatzen hasita. Mezu horretan, euren izena, abizenak eta NAN zenbakia idatzi beharko dituzte, kontzertuaren egunean (hala ostegunean nola ostiralean) txartel-leihatilan sarrerak jaso ahal izateko.
Irabazleren batek adierazitako epean mezu pribatu hori bidaltzen ez badu edo sariari uko egiten badio, ordezkoei emango zaie saria, 1etik 20ra bitarteko goranzko ordenari jarraituz. Ordezkoak agortzen badira, saria eman gabe geratuko da.
Pribatutasun politika
Zozketaren emaitza iragartzeko xedez, parte-hartzaileek baimena ematen diote BOSi euren erabiltzaile-izena sare sozialetan argitaratzeko.
Sustapen honetan ez da datu pertsonalik gordeko.
Oinarrien onarpena
Sustapenean parte hartuz gero, oinarri hauek oso-osorik onartu behar dira. Hori dela eta, onartzen ez badira, parte-hartzailea zozketatik kanpo geratuko da, eta, ondorioz, BOS parte-hartzaile horrekiko obligazioa betetzetik salbuetsita egongo da.
Parte-hartzaileak ez badu oinarri hauetakoren bat betetzen, zozketatik kanpo geratuko da, eta, hala badagokio, saria ere kenduko zaio.
BOSek neurriak hartzeko eskubidea dauka, zozketa honen inguruan espekulazio edo negozio sistemak ezar ez daitezen. Hori lortzeko, egokitzat jotzen dituen legezko ekintzak eraman ahal izango ditu aurrera. Era berean, BOSek oinarri hauek eta sustapen honen antolakuntza edota kudeaketa baliogabetu, eten edo aldatzeko eskumena dauka, hori hala egitea justifikatzen duten arrazoiak daudenean.
Oinarri hauen interpretazioan zalantzak edo eztabaidak egonez gero, BOSen irizpidea nagusituko da.
Aurreztu 12 €, BOSen aurkezten duzun Bizkaiko Kultur Txartel bakoitzarekin
