Kontzertuak
AY, BABILONIO QUE MAREA
Arriaga Antzokia. 19:00 h.
1917.urtean, hitz berri bat jaso zuen Gaztelaniaren Hiztegiak: sicalipsis. Hitzaren jatorria bilatzen baduzue, RAEk azalduko dizue sorkuntza arbitrarioa dela, baina akademiako kide batzuen iritziz etimologia grekoa du. (Interneten bilaketa erraza eginda segituan jakingo duzue hitz horrek zer kontzeptu batzen dituen). Erreferentzia horretatik abiatuta iritsi gara genero sikaliptikora, XX. mendearen hasieran Madrilgo agertoki herrikoietan modan jarri zen horretara. Irudika ditzagun ordukako antzerki-arratsalde haiek, txotisa, Gran Via kalea, sortzen hasiak ziren anarkisten elkarteak monarkiarekin bizikidetzan, greba-jarduera eta langileen mugimendua, eta, bien bitartean, La corte de Faraón zarzuelaren estreinaldia, Putifar jenerala eta Jose kastoa protagonista zituena. Taberna, kafetegi, sereno eta piztutako farolek jantzitako gauak izango ziren, ziur.
Gau honetan, lizunkeria jator eta naturalez betetako orduko gau haiek gogoratu nahi ditugu. Musikak, berezko duen oroitarazteko boterearen bidez, erdi ilunpean egoten ziren dantza-aretoetara eramango gaitu, barre egin eta vaudeville kutsuko gozamen lotsagabearekin bat egiteko prest zegoen jendez betetako lekuetara. Eta, batez ere, Arriaga antzokiak gau dibertigarriarekin itxi nahi du denboraldia, alaitasuna agertokitik besaulki-patiora eramanez. Horretarako, Zarzuela handietako konposizio ahaztezinekin osatu da errepertorioa. Arriaga antzokira etorriko diren entzuleentzat ezagunak izango dira Zarzueletako pieza isekari eta lizunak, guztion memorian gordeta dauden Zarzueletako piezak baitira, besteak beste, Los sobrinos del Capitán Grant, El dúo de la africana, La Gran Vía, Luisa Fernanda eta La corte de Faraón Zarzueletakoak eta genero sikaliptiko esan zitzaionaren beste bitxi batzuetakoak.
Zuzendaritza musikala: Iker Sánchez Silva
Bakarlariak: Vanessa Goikoetxea, Andeka Gorrotxategi, Itziar de Unda, Andrea Jiménez, Christopher Robertson.
Abesbatza: Sociedad Coral de Bilbao
Orkestra: Bilbao Orkestra Sinfonikoa (BOS)
Produkzioa: Teatro Arriaga
DATAK
Ezagutu hemen harpidedunak BOS izatea abantaila guztiak
Gertakarien egutegia
Erlazionatutako ekitaldiak
Ganbera 10
Lekua: Euskalduna Bilbao · 0B Aretoa
F. M. Veracini
Obertura nº 6 en sol menor IFV 6
J. S. Bach
Concierto nº 3 para cembalo y orquesta en Re Mayor BWV 1054
F. Geminiani
Concerto grosso nº 6 en Si bemol Mayor Op. 7, H. 120
J. – P. Rameau
Les Boréades, selección
Ensemble barroco BOS
Silvia Márquez, klabea
ANDREA CHÉNIER – U. GIORDANO
Lekua: Euskalduna Bilbao
Maiatzean, Giordanoren Andrea Chénier tragedia veristak emango dio amaiera denboraldiari. Ezinbesteko opera da, melodia hunkigarriz eta zirraragarriz betetako obra indartsu eta dramatikoa, aria oso ezagunak dituena, «La mamma morta», kasurako. 2026an, 130 urte beteko dira Milango Teatro alla Scalan estreinatu zenetik, eta 73 urte ABAOn estreinatu zenetik, Coliseo Albian.
Giro historikoz bildutako drama honek, afera sozialetan murgiltzen denak, gorrotoa, indarkeria, gerra zibila, erresuminak, klaseen arteko borroka, maitasuna eta erromantzea ditu hizpide, Frantziako Iraultzaren esparruan, André Chénier poetaren bizitzaren eta heriotzaren interpretazio sortzailea eginez.
Doinu zirraragarri, hunkigarri eta jariakorrez betetako opera honetarako, ABAOk goi-mailako abeslariak bilduko ditu: Michael Fabiano tenor amerikarra, Bilbora pertsonaia nagusia antzezteko itzuliko dena; Saioa Hernández soprano miresgarria, ABAOn Maddalena di Coigny jokatuz debutatuko duena; eta, hirukote protagonista osatzeko, Juan Jesús Rodríguez baritono dramatikoa, Carlo Gérard pertsonaiaren azalean.
Musika Guillermo García Calvo zuzendariaren esku egongo da, eta Bilbao Orkestra Sinfonikoa zuzenduz ahalik eta etekinik handiena aterako dio melodia zabalez, pasarte deklamatorioz eta eraginkortasun handiko eszenaz osatutako partiturari.
Oholtzan, ABAO Bilbao Operaren eta Peraladako Jaialdiaren koprodukzioa, Alfonso Romerok sortua. Eszenografia zaindu eta dotorea Frantziako Iraultzan girotuta dago, eta gatazka hartako gordintasuna erabat islatzen du. Jauregiko aretoek, espetxeek eta auzitegiek eremu sinbolikoaren eta efektistaren artean dabiltzan mezuak zabaltzen dituzte.
ANTZEZLEAK
Andrea Chénier Michael Fabiano
Maddalena di Coigny Saioa Hernández *
Carlo Gérard Juan Jesús Rodríguez
La Contessa di Coigny / Madelon Elisabetta Fiorillo
La mulatta Bersi Veta Pilipenko
Roucher Gabriel Alonso *
Un incredibile / L’abate Jorge Rodríguez-Norton
Il sanculotto Mathieu Fernando Latorre
Pietro Fléville / Fouquier Tinville José Manuel Díaz
Schmidt / Dumas / Il maestro di casa Gexan Etxabe
TALDE ARTISTIKOA
Director Musical Guillermo García Calvo
Dirección De Escena Alfonso Romero Morav
Orquesta Bilbao Orkestra Sinfonikoa
Director Del Coro Esteban Urzelai Eizagirre
Coro Coro de Ópera de Bilbao
Producción Festival Castell de Peralada ABAO Bilbao Opera
* Debuta en ABAO
Ezohiko Kontzertua Joaquín Achúcarro BOSekin
Lekua: Bilboko Elkarte Filarmonikoa
80 urte elkarrekin
Hitzordu oso berezia, Achúcarrok BOSekin egindako estreinaldi historikoa oroitzeko eta gure kultura-ondare partekatuaren atal den lankidetza ospatzeko. Mendelssohn eta Fallaren konbinazioari esker Achucarroren piano-zigilu bereziaz gozatu ahal izango dugu piano eta orkestrarako errepertorio espainiarraren obrarik enblematikoenetakoan.
Programa:
F. Mendelssohn: Las Hébridas, obertura
Grieg: Concierto para piano y orquesta en la menor, Op. 16
Interpreteak:
Joaquín Achúcarro, pianoa
Mikel Fernández, zuzendaritza
Amerikar arima
Lekua: Euskalduna Jauregia Bilbao
Pacho Flores gurera etorriko da berriro tronpeta-kontzertu bikaina jotzera, hain zuzen ere, Paquito D’Rivera apartak eskaini diona, Venezuelako erritmoetan oinarrituta. Izan ere, Amerikako kontinentearen hegoaldeak azken hamarkadetako musikarik onenetakoa eman digu; horren adibide bikainez gozatu dugu Carlos Miguel Prietoren batuta bizigarriaren erara. Adi egon Gabriela Ortizen azalpenei eta nortasunari nahiz lurraldeari buruz egingo duen hausnarketa musikalari.
C. Chávez
Sinfonía nº 2 “India”
P. Flores
Morocota
P. D’Rivera
Concerto venezolano
G. Ortiz
Téenek – Invenciones de Territorio
J. P. Moncayo
Huapango
Pacho Flores, tronpeta
Leo Rondón, cuatro venezolano
Carlos Miguel Prieto, zuzendaria