Egilea: trek

Zure iritzia funtsezkoa da Bilbao Orkestra Sinfonikoa (BOS) hobetzeko

Bilbao Orkestra Sinfonikoan hausnarketa estrategikorako prozesu bat martxan jarri dugu datozen 2024-2030 urteetan gure jarduna gidatuko duten erronkak zehazteko. Horretarako, gure kontzertuetara joaten den publikoaren laguntza izan nahi dugu, baita Bizkaiko herritar guztiena ere. Helburua Bilbao Orkestra Sinfonikoari  buruz duzuen iritzia ezagutzea da, egungo ikuspegitik, baina arreta berezia jarriz datozen urteetan: zer mantendu  behar dugun, zer hobetu, … Horretarako, inkesta bat prestatu dugu formatu digitalean, eta telefonotik edo ordenagailutik bete dezakezue. Inkesta abendu osoan egongo da aktibo, eta gure kontzertuetako digitala esku-programetatik, gure webgunetik eta esteka honetatik eskuratu ahal izango da: Inkesta

Musikahazi 2023-2024

Hemen da, beste urte batez, Musikahaziren 36. edizioa: BOSek antolatzen dituen jarduera didaktiko eta gizarte-inklusiorako jarduera guztiak biltzen dituen programa. Urtero bezala, Musikahazik jarduera esklusibo eta inklusiboak eskaintzen ditu: kontzertuak familian, kontzertu didaktikoak, haurrentzako tailerrak, musika- eta gizarte-tailerrak, entsegu orokorretarako bisitak eta beste hainbat jarduera. Horren bidez, zaren modukoa zarela, gustukoen duzun erara gozatu ahalko duzu musikaz. Ez huts egin! 2023-2024 programari buruzko informazio guztia PDF HONETAN eta gure web orrian kontsulta daiteke («KONTZERTUAK FAMILIAN» eta «JARDUERA DIDAKTIKOA» ataletan).  

Emozioetan Zehar Bidaiatzeko Kontzertu Txundigarria

Soinuak Haizean + Bilbao Orkestra Sinfonikoa BOS, konpainia Leire Orbe, aktorea Irene Delgado-Jiménez, zuzendaria Bilbao Orkestra Sinfonikoa ­Adina: 6 urtetik aurrera Prezioa: Dohainekoa. | Ikastetxeei zuzendutako programa. Sartzeko, aldez aurretik izena eman behar da, eta baieztapena jaso.

Ikuskizun musikal honetan, Emoziok gure emozioak bereizten, estimatzen eta bideratzen lagunduko digu, Beethoven, Brahms, Mendelssohn, Mussorgski eta Dvoraken musikaz lagunduta, besteak beste.

7 emozio landuko ditugu musikaren bidez, eta atrezzo koloretsu batekin irudikatuko ditugu, soinuzko eta ikusizko bidaia batean. Elementu horiei esker, Emoziok batetik bestera ibiliko da, eta, umorea galdu gabe, emozio bakoitzaren garrantziaz gogoeta egingo dugu; emozio onak eta txarrak dauden eztabaidatuz, gure lagunen emozioak errespetatzearen garrantziaz jabetuz… Handiek eta txikiek ikasi eta dibertituko dira musika bidaia zoragarri honetan!

Datak

Urtarrilak 24a. 10:00 eta 11:30. Urtarrilak 25a. 10:00 eta 11:30. Urtarrilak 26a. 10:00 eta 11:30. Conservatorio de Música Juan Crisóstomo de Arriaga Musika Kontserbatorioa.

Musika Sehaskatik – Haurtxoentzako tailerra

Lehen haurtzarorako musika-hezkuntzako tailerra da, Edwin Gordonen musika-ikaskuntzaren teorian oinarrituta. Horren arabera, musika komunikazio-kanala da, abestien, erritmoaren, mugimenduaren, isiltasunaren, jokoaren, bat-batekotasunaren eta dantzaren bitartez. Edurne Urutxurtu ahotsa, pianoa eta akordeoia. Laguntzaileak: Malen Zobaran trikitixa, ahotsa eta pandero. Shanti Basauri gitarra. Iván Allue txirulak eta perkusioa. Leku-kopurua: 60 pertsona (20 haurtxo + gehienez 2 pertsona haurtxo bakoitzeko). Iraupena 45′ 0–3 urte Prezioa: 8€ Haurtxo bakoitzeko sarrera bat; sarrera horrek sartzeko baimena ematen die haurtxoarekin datozen pertsonei (bi gehienez).

Datak

Sarrerak 2023ko abenduaren 1etik aurrera jarriko dira salgai.
Maiatzak 11 – 10:00 h.
SARRERAK AGORTUTA
Maiatzak 11 – 11:30 h.
SARRERAK AGORTUTA
Palacio Euskalduna Jauregia: Abandoibarra, 4 · 48011, Bilbao. BOSaren entseguetarako aretoa.

Musikaz Biziz – Musika Familia Giroan

4 tailer musikal haurrekin BOSaren entseguetarako aretoan. Palacio Euskalduna Jauregia: Abandoibarra, 4 · 48011, Bilbao. BOSaren entseguetarako aretoan. Tailer hauen helburua da haurren sormen-gaitasuna suspertzea musika-jardueraren bitartez; izan ere, beraiek izango dira, inguru familiarrean, euren musiken protagonista eta sortzaileak. Olga Sánchez gidoia eta zuzendaritza. 4-8 urte Leku-kopurua: Gehienez 25 ume. Gehienez heldu 1 haur bakoitzeko Iraupena: 75 min. Hizkuntza: elebiduna euskara / gaztelania. Prezioa: 8€ Haur bakoitzeko sarrera bat; sarrera horrek sartzeko baimena ematen die haurrarekin datozen pertsonei (bi gehienez).

Datak

Sarrerak 2023ko abenduaren 1etik aurrera jarriko dira salgai.
Urtarrilak 20 – 11:30 h.
SARRERAK AGORTUTA
Otsailak 17 – 11:30 h.
SARRERAK AGORTUTA
Martxoak 16 – 11:30 h.
SARRERAK AGORTUTA
Apirilak 13 – 11:30 h.
SARRERAK AGORTUTA

Bisita BOSera

Ikastetxeen hiru bisita BOSen bulegoetara (bisita orkestraren entsegura, instrumentuen biltegietara, entsegu aretoetara eta auditoriumera). Ikastetxeei zuzendutako programa. Sartzeko, aldez aurretik izena eman behar da, eta baieztapena jaso. Dohainekoa.

Datak

Urtarrilak 23 Apirilak 16 Maiatzak 2 Palacio Euskalduna Jauregia: Abandoibarra, 4 · 48011, Bilbao. BOSaren entseguetarako aretoa. Informazio gehiago eta izen-ematea: musikahazi@bilbaorkestra.eus

Gizarte-tailerrak

TAILERREN HELBURU OROKORRAK

Sormen jarduera berriak eskaintzea eta garatzea, taldeko musika-inprobisazioen bitartez; musikari eta parte-hartzaileen artean topaketarako espazioa sortzea; eta, soinu-paisaia desberdinak eratzea, horrela, gure kultur aniztasuna sustatzeko (nortasunak eta taldeko nahiz norbanako balioak sendotuta). Elena Pérez Sáez de Buruaga Tailer guztietako gidoia eta zuzendaritza. Dohainekoa. Elkarte eta talde zehatzei zuzendutako programa. Sartzeko, aldez aurretik izena eman behar da, eta baieztapena jaso. Informazio gehiago eta izen-ematea: musikahazi@bilbaorkestra.eus.
Lantegi Batuak logo LANTEGI BATUAK. erakundeak askotariko prestakuntza-tailerrak ditu antolatuta, non erabiltzaileek, desgaitasun intelektatualen bat izanagatik, aukera baitute beste ahalmen ugari garatzeko, besteak beste, musikarekiko ahalmena. Adsis logo ADSIS BESTALDE. fundazioarekin lankidetzan eta musika-tailerren bitartez, BOSek askatasunik ez duten pertsonen normalizazioaren eta gizarteratzearen alde egiten du. Askabide logo ASKABIDE. Prostituzioak eragindako marjinazioaren eta bazterkeriaren alorrean aritu izan da 1985etik. Musika-inprobisaziotik abiatuta, kultur arteko komunikazioa, sentsibilitatea eta, halaber, musikarekin nahiz sormen pertsonalarekin lotutako beste zenbait alderdi bultzatzeko egiten dugu lan. Gizakia logo GIZAKIA. Zenbait kolektiboren (drogen menpekotasuna dutenak, arriskuzko jokabidea duten adin txikikoak eta gazteak, etab.) gizarteratzea bultzatzeko asmoz Bizkaian aritzen den irabazi-asmorik gabeko erakundea da. Tailer hauetan, ongizate eta askatasunezko espazioa eraikiko da, eta musikaren bitartez adierazteko eta komunikatzeko aukera emango du.

Aldaketa denboraldi sinfonikoko 15. programan

BOSetik gure denboraldi sinfonikoaren 15. programak jasan duen aldaketa baten berri eman nahi dizugu; izan ere, 2024ko apirilaren 25ean eta 26an, M. Ravelen Ezkerreko eskuarentzako kontzertua antzeztu beharrean, C. Saint-Saëns-en Piano eta orkestrarako 5. kontzertua Fa maiorrean, 103. op. “Egiptoarra”, interpretatuko da. Barkamena eskatzen dizugu aldaketa horrek eragin diezazkizukeen eragozpenengatik, eta Erik Nielsenek orkestraren zuzendari titular gisa eskeiniko duen azken kontzertura joatera animatzen zaitugu.