Egilea: trek

TRAKAMATRAKA (gaztelania)

Birziklatutako elementuekin musika-tresnak egiteko 2 tailer, BOSen entseguetarako Aretoan.

Jazz erritmodun mangerak, didgeridoo bihurtuko diren yogurt potoak, kriskitin konplejua daukaten maionesa tapa jotazaleak, erritmo afrikarrez beteriko kuboak, gorputzean itsatsirik geratzen den doinua fabrikatzen duten hodiak… Hori guztia Trakamatrakan dago: musika aniztasuna, sormena eta irudimena, birziklatzea eta ingurumenarekiko errespetua bateratzen dituen proiektua.

Tailer bakoitzaren prezioa neska/mutikoko:
– Orokorra 4 €
– BOSeko abonatuak 3 €

Larunbat goizetan, 11:30etan
Iraupena, gutxi gorabehera: 90’
Gehienez 30 neska-mutiko bakoitzeko

Adina: 9 – 16 urte

KONTZERTU AURREKO MUSIKA. BILBOKO KONTSERBATORIOKO IKASLEAK, BOSEN DENBORALDIAN

Abenduaren 21ean (osteguna) proiektu berri bat abiaraziko da Bilboko Musika Kontserbatorioaren eta Bilbao Orkestra Sinfonikoaren artean. Horri esker, kontserbatorioko ikasleek osatutako taldeen emanaldiez gozatu ahal izango da gure denboraldiko 7 kontzertutan.

Abenduaren 21ean (osteguna) proiektu berri bat abiaraziko da Bilboko Musika Kontserbatorioaren eta Bilbao Orkestra Sinfonikoaren artean. Horri esker, kontserbatorioko ikasleek osatutako taldeen emanaldiez gozatu ahal izango da gure denboraldiko 7 kontzertutan.

Bilboko Musika Kontserbatorioak eta Bilbao Orkestra Sinfonikoak (BOS) lankidetzazko proiektu berria hasiko dute BOSen denboraldiko Gabonetako egitarauaren barruan. Horri esker, kontserbatorioko hainbat ikasle-taldek emanaldia eskaini ahal izango dute, BOSen denboraldiko kontzertuetako batzuk hasi aurreko denbora-tartean.

Kontzertu Aurreko Musika izen orokorra izango dute, eta Euskalduna Jauregiko “Uretaratze Foyerrean” egingo dira. 19:00etan hasiko dira, BOSen kontzertua hasi baino ordu erdi lehenago, eta 20 minutu iraungo dute, gutxi gorabehera.

Programak, hain zuzen, bi helburu ditu. Alde batetik, ikasleei euren emanaldia egiteko espazio bat eta publiko bat eskaintzea; izan ere, oinarrizko elementua da, profesional gisa trebatzeko prozesuan. Bestetik, gure Orkestraren publikoak jarduera horretaz gozatu ahal izango du, eta, era berean, Bilboko kontserbatorioan egiten den lana ikusi ahal izango du.

Kontzertu Aurreko Musika egitasmoko lehen kontzertua abenduaren 21ean (osteguna) egingo da, eta tronpeta ensemble baten eskutik izango da.

Proiektua honako egitarauetan gauzatuko da. Osteguna edo ostirala aukeratzea Kontserbatorioaren egitarauaren eta Euskalduna Jauregiaren jarduera-planaren araberakoa izango da:

10.a  Hari laukotea/hirukotea
11.a  Hari hirukotea eta pianoa
12.a  Egurrezko haize-instrumentu laukotea pianoarekin
13.a  Hari laukotea/hirukotea
14.a  Egurrezko haize-instrumentu hirukotea
15.a  Metal taldea

 

 

Musikahazi

Kontzertuak Familian

HARPAREN BILA

Musika Händel, Mozart, Berlioz, Tchaikovsky

Jatorrizko ideia eta harpa: Marion Desjacques

Gidoia eta aurkezpena: Javier Irigoien

Zuzendaritza: Aitor Biain

BILBAO ORKESTRA SINFONIKOA

“Orkestra denboran zeharreko bidaia bati ekiteko puntuan dago, baina, justu azken unean, hidrogeno-motorrak huts egin du, eta misioa bertan behera gera daiteke. Denboraren makinaren prototipo berriarekin ahalegintzea baino ez da geratzen: harpa.”

Adina: 6 urtetik aurrera

Informazio gehiago eta sarrerak

Musikahazi

Kontzeruak Familian

ROSTRO PÁLIDO (Aurpegi zurbil)

Buster Keaton

Kontzertu-Proiekzioa

NEOPERCUSIÓN Rafa Gàlvez, Eloy Lurueña eta Juan Carlos Pelufo

Ana Hernández, aurkezpena

Neopercusiónen eskutik, Buster Keatonen klasiko handienetako batera hurbilduko gara. Kontzertu-proiekzio honetan, ikusleen parte-hartzea ezinbestekoa izango da, gure protagonistari Ameriketako indiarrekin izandako abenturetan lagunduko dion soinu-banda konposatzeko.

Adina: 4 urtetik aurrera

 

Informazio gehiago eta sarrerak

Boslaris V

Musikari amateurrei zuzenduta dagoen eta ganbera-musikaren arloan hasi, praktikatu eta hobetzera bideratuta dagoen prestakuntza programa aitzindari honekin, BOSek musikaren praktika sustatu nahi du musika profesionaletik aparteko gizarteko esparruetan; era berean, loturak sortu nahi ditu BOSeko irakasleen eta zaleen artean, eszenatokiaren eta publikoaren arteko bereizketa apurtuz.

Informazio gehiago

SOINUAREN BIDAIA TALDEAK HASIERA EMANGO DIO BOSEN GANBERA DENBORALDIARI

Urriaren 23an (astelehena), 19:30ean, musikak eta euskal mitologiak bat egingo dute, BOSen Ganbera Denboraldiaren hasieran. Soinuaren Bidaia taldeak, Toti Martínez de Lezea idazleak, Maite Itoiz sopranoak eta Garikoitz Mendizabal txistulariak hartuko dute parte.

Urriaren 23an (astelehena), 19:30ean, musikak eta euskal mitologiak bat egingo dute, BOSen Ganbera Denboraldiaren hasieran. Soinuaren Bidaia taldeak, Toti Martínez de Lezea idazleak, Maite Itoiz sopranoak eta Garikoitz Mendizabal txistulariak hartuko dute parte.

Bilbon, 2017ko urriaren 19an

Bilbao Orkestra Sinfonikoak (BOS) hasiera emango dio Ganbera Denboraldi berriari, urriaren 23an (astelehena), 19:30ean. Soinuaren Bidaia taldea arituko da, eta Toti Martínez de Lezea euskal idazleak bere testuak errezitatuko ditu.

Soinu Magikoak ikuskizun multisentsoriala aurkeztuko dute; bertan, euskal kultura musikala eta mitologia hurbilduko diete ikusleei. Ikuskizunean, musika emanaldiak eta kondaira eta pertsonaia mitologikoei buruzko narrazioak txandakatuko dira. Gainera, Gabriel Loidi konpositorearen Basajaun baten eszenak obraren mundu mailako estreinaldia izango da.

Oraingo honetan, Alberto Urretxok zuzendutako Soinuaren Bidaia taldea BOSen hari laukote batek, Adriana Grigoras biolin-jotzaileak, Maite Itoiz harpa-jotzaile eta kantariak, Garikoitz Mendizabal txistulariak eta Urretxok berak, tronboi-jotzaile gisa, osatuko dute.

EGITARAUA

OBERTURA
Basajaun baten eszenak, G. Loidi (estreinaldia)

EGUZKILORE
Capriccio for viola, H.Vieuxtemps 

SORGINEN HERRIALDEAN ZEHAR
Carptim, H. Extremiana

ERRALDOIEN BIDEETAN ZEHAR
Serenade, 6. zk., V. Persichetti

HERENSUGEEN IBILBIDEETAN ZEHAR
Sonata, J.C. Pérez 

AMA JAINKOSAREN MENDIETAN ZEHAR
Ibiltari batentzako kantuak, G. Mahler

EUSKAL IRATXOEN AZTARNEN ATZETIK
Topa eta…TOPA, X. Zabala 

LAMIEN ITURRIETAN ZEHAR
The Storyteller, J. Stephenson

Parte-hartzaileak:

Toti Martínez de Lezea, narratzailea
Adriana Grigoras, biola
Alberto Urretxo, tronboia
Hari laukotea, BOS
Garikoitz Mendizabal, txistua
Maite Itoiz, ahotsa eta harpa

 

Abonu bat musika sinfoniko oneneko 17 kontzertutarako 124,10 €-ren truke, eta 72,50 €-ren truke, adingabea bazara?

Musika klasikoa ez da garestia. Bilbao Orkestra Sinfonikoak 100 urte beteko ditu laster, eta denboraldi berrirako abonuen aukera zabalagoa eskaini du. Aukera gehiago, musika onenaz eta munduan ospea duten zuzendari eta bakarlariez gozatzeko.

Erabaki ezazu zein kontzertu interesatzen zaizkizun, eta abonatu zaitez BOSera. 5 abonu mota ditugu, zure neurrira egindako denboraldiaz goza dezazun. Gainera, batzuek oso prezio harrigarria dute:

ABONU OSOA. C GUNEA: 124,10 €
ABONU OSOA. C GUNEA: 72,50 €

ABONA ZAITEZ