Kontzertuak

Lekeitioko Itxas Soinua Musikaldia 2018


Lekeitioko Andra Mariaren Zeruratzea Parrokia.   22:00 h.

WOLFGANG AMADEUS MOZART, Figaroren ezteiak, Obertura K. 492

WOLFGANG AMADEUS MOZART, Kontzertua klarinete eta orkestrarako La Maiorrean K. 662

I. Allegro
II. Adagio
III. Rondó: Allegro

Sandra Ibarreche, klarinetea

LUDWIG VAN BEETHOVEN, S. sinfonia La Maiorrean Op.92

I. Poco sostenuto – Vivace
II. Allegretto
III. Presto – Assai meno presto
IV. Allegro con brio

 

Sandra Ibarreche,  klarinetea

Lara Diloy, zuzendaria

 

DATAK

  • 12 abuztua 2018       Lekeitioko Andra Mariaren Zeruratzea Parrokia      22:00 h.

Abonu salmenta, ekainaren 24tik aurrera.
Sarreren salmenta, irailaren 16tik aurrera.

Ezagutu hemen harpidedunak BOS izatea abantaila guztiak

LARA DILOY, zuzendaria

Orkestrako zuzendaria, Tolosan (Gipuzkoa) jaioa, Lara Diloy Barbieri Orkestra Sinfonikoaren zuzendari gonbidatu nagusia da, eta Óliver Díaz maisuaren (Zarzuelako Antzokiaren musika-zuzendaria) laguntzailea

Madrilgo Orkestra Sinfonikoaren zuzendaria izan da, bai eta beste orkestra-talde batzuena ere (horien artean, nabarmentzekoak dira Espainiako Gazte Orkestra Nazionala edo Varnako Orkestra Filarmonikoa). Madrilgo Errege Antzokian eta Zarzuelako Antzokian, Valladolideko Calderón Antzokian edo Musikako Auditorium Nazionalaren moduko lekuetan debutatu izan du.

Azken aldiotan zuzendutako lanen artean honakoak aipatu daitezke: Glucken Orfeo eta Euridize, Donostiako Victoria Eugenia Antzokian, edota Verdiren La Traviata, Italiak Espainian daukan Enbaxadan. Musika-laguntzaile gisa ekoizpen liriko askotan aritu izan da, eta honakoak dira bereziki aipagarriak, beste beste: El Gato Montés, Valentziako Palau de les Arts jauregian (gainera, bertoko bandaren zuzendaria da); Las Golondrinas eta Mexikoko Kantaria, Zarzuelako Antzokian; Luisa Fernanda, Los Veranos de la Villa jaialdian; Rigoletto, Iruñeko Baluarte Auditoriumean; edota Nabucco, Palma Mallorcako Antzoki Nagusian.

 

SANDRA IBARRECHE, klarinetea

Zazpi urterekin hasi zituen musika ikasketak Leioako Udal Kontserbatorioan, Juan Casanova irakaslearen eskutik. Ikasketak kontserbatorio berean amaitu zituen, Carlos García zuela irakasle.

Goi-mailako ikasketak Musikenen (Euskal Herriko Goi-mailako Musika Ikastegia) burutu zituen, José Luis Estellés, Antony Pay, Carlos Gil, Sergio Barranco eta Henri Bok irakasleekin. Halaber, Asko Heiskanen irakaslearekin ikasi zuen Helsinkiko Sibelius akademian (Erasmus programa); Isaac Rodriguezekin, Bartzelonako Conservatori Liceu kontserbatorioan; Michel Lethiecekin, Nizako CNRRan; eta master ikasketak bukatu zituen Andreas Sundénekin, Stockholmeko Royal College of Music musika-ikastegian.

Zenbait master class jaso ditu honako klarinete-jotzaileen eskutik, besteak beste: Martin Fröst, Yehuda Gilad, Hermann Stefansson, Joan Enric Lluna, Harri Mäki, Olli Leppäniemi eta Kari Kriikku. Euskadiko Gazte Orkestraren (EGO), Esloveniako Maribor Nazioarteko Orkestraren eta Frantziako Gazte Orkestraren (OFJ) kide izan da.

Ondokoekin ere lankidetzan aritu da: Canneseko Orkestra, Stockholmeko Orkestra Filarmonikoa, Suediar Irratiaren Orkestra Sinfonikoa, Stockholmeko Errege Opera, Dalasinfoniettan Ganbera-orkestra, Swedish Wind Ensemble, Västerås Sinfonietta eta Osloko Opera, besteak beste.

2015eko abenduan Genesia proiektuaren estreinaldian parte hartu zuen, Martin Fröst klarinete-jotzaileak Stockholmeko Orkestra Filarmonikoarekin batera garatutakoa. 2018ko urtarrilean proiektu berean parte hartu zuen berriro, baina, aldi horretan, Göteborgeko Orkestra Sinfonikoarekin lankidetzan.

 

BILBAO ORKESTRA SINFONIKOA

Bilbao Orkestra Sinfonikoak 1922ko martxoaren 8an eman zuen bere lehenengo kontzertua, Arriaga Antzokian, Armand Marsicken zuzendaritzapean. Bizkaiko gizarte zibilaren bultzadari esker sortu zen, eta, geroztik, harreman estua dauka Bizkaiarekin: gaur egun, esate baterako, 2.200 abonatu ditu Denboraldi Sinfonikoan.

Sortu zenetik, zuzendari titular garrantzitsuak izan ditu: Armand Marsick, Vladimir Golschmann, Jesús Arámbarri, José Limantour, Antoine de Babier, Rafael Frühbeck de Burgos, Alberto Bolet, Pedro Pirfano, Urbano Ruiz Laorden, Theo Alcántara, Juanjo Mena, Günter Neuhold, eta 2015etik aurrera Erik Nielsen

BOSek hainbat etapa bizi izan ditu: sarritan egiten zituen birak direla-eta, de facto penintsulako iparraldeko orkestratzat hartzen zuten garaitik hasi, eta hurbilagoko nazioarteko zabalkundera; horri esker, San Petersburgon, Tokion, Japoniako biran, eta, erregulartasunez, Frantziako zenbait jaialditan aritu izan da.

2012an, Schönbergen Gurrelieder lanak joz ospatu zuen bere 90. urteurrena, Günter Neuholden zuzendaritzapean. Kontzertu horiek zuzenean grabatu ziren, eta Thorofon etxeak editatu zituen CDan.

Euskalduna Jauregian egiten den kontzertu-denboraldi erregularraz gain (hori da orkestraren egoitza, hain zuzen ere), BOSek ganbera-denboraldiak eskaintzen ditu Bilbon eta Bizkaian, eta lan pedagogiko garrantzitsua egiten du, Kontzertu Didaktikoak eta Kontzertuak Familian ekimenen bitartez; gainera, musikaren bidezko gizarteratze-jarduerak ere egiten ditu. Modu erregularrean hartzen du parte orkestra gisa OLBEren operetan, eta lankidetza-ildoak ditu Guggenheim Museoarekin, Bilboko Arte Ederren Museoarekin, Deustuko Unibertsitatearekin eta Bilboko Arriaga Antzokiarekin batera egiten dituen zenbait programatan.

Bere katalogo diskografikoaren barruan, BOSek euskal musikari buruzko bilduma interesgarria grabatu du Naxos etxearentzat, Arambarri, Guridi, Arriaga, Isasi, Usandizaga, Sarasate eta Escuderori eskainita. Era berean, J. Rodrigo eta T. Takemitsu konpositoreen obrak grabatu ditu EMI JAPAN etxearentzat, Kiyoshi Shomura gitarra-jotzaile japoniarrarekin eta Juanjo Mena maisuaren zuzendaritzapean.

BOSen jarduera bere zale ugarien babesari eta Bizkaiko Foru Aldundiaren eta Bilboko Udalaren ekarpenei esker garatzen da.

 

Info covid

Gertakarien egutegia

Al
As
Az
Og
Or
La
Ig

Erlazionatutako ekitaldiak

Denboraldia 2023-2024
20 - 22
Eka
2024
>SATURRARAN

SATURRARAN

Lekua: Arriaga Antzokia

Elezahar batek dio Saturraran hondartzako bi haitz handiak bi maitale direla. Gizarteak ez zien elkar maitatzen uzten eta uretan ito ziren maitaleak. Itsasotik bi haitz handi sortu ziren gero, haien oroimenez.

Elkar maitatu ezin diren bi emakumeren kontakizuna da Saturraran. 80ko hamarkadan, Ane, alturako arrantzale baten alaba, eta Luna, furgoneta batean heldutako andaluziarra, elkarrekin maiteminduko dira. Heroinaren zurrunbiloak harrapatuko ditu eta, herritarren gaitzespena dela eta, Saturrarango kartzelaren hondakinetan hartuko dute babesa. Jose, Aneren aita alarguna, haiek laguntzen ahaleginduko da. Desberdina onartzearen zailtasuna, heroina eta hiesaren oldarraldia, arrantzaren munduaren gainbehera. Libreak izaten irakatsi zigun belaunaldi galduari egindako omenaldia da Saturraran.

Kirmen Uribe


Opera Euskaraz, gaztelaniazko eta ingelesezko gaintituluekin.

Konpositorea: Juan Carlos Pérez.
Libretoa: Kirmen Uribe.
Zuzendaritza musikala: Jon Malaxetxebarria.
Zuzendaritza eszenikoa: Lucía Astigarraga.
Interpretatzaileak: Elías Arranz, Andrea Jiménez, Marifé Nogales, José Manuel Díaz, Botond Ódor, Aitor Garitano, Itxaro Mentxaka, Iñigo Fernández.
Korua: Sociedad Coral de Bilbao.
Orkestra: Bilbao Orkestra Sinfonikoa (BOS).
Irudien diseinatzailea: Ibai Labega.
Argiztapena: Alberto Rodríguez Vega.
Eszenografia: Philip Rubner.
Piano-jotzailea: Iñaki Belasko.
Esker onak: Sergio Verde, Ainhoa Etxebarria, Nerea Gartzia, María Laespada, María Ángeles Etxabe, Jon Iñaki Artetxe, Ibon Basterretxea.

Bizkaiko Foru Aldundiaren eta Bilboko Arriaga Antzokiaren koprodukzio bat.


Informazioa eta sarrerak

Gehiago ikusi
03 - 04
Urr
2024
>Beethovenen Enperadorea

Beethovenen Enperadorea

Lekua: Euskalduna Jauregia

L. van Beethoven: Piano eta orkestrarako 5. kontzertua Op. 73 “Enperadorea”
A. Dvorák: 8. sinfonia Sol Maiorrean Op. 88

Vadym Kholodenko, pianoa
Nuno Coelho, zuzendaria

Gehiago ikusi
Denboraldia 2024-2025
10 - 11
Urr
2024
>Klasikoak gazteak dira

Klasikoak gazteak dira

Lekua: Euskalduna Jauregia

W.A. Mozart: Bahiketa harenean, Obertura K. 384
F.J. Haydn: Biolontxelorako eta orkestrarako 1. kontzertua Do Maiorrean Hob. VIIb:1
Caroline Shaw: Entr’Acte
F.J. Haydn: 60. sinfonia Do Maiorrean Hob. I:60 “Il Distratto”

Julia Hagen, biolontxeloa
Lorenza Borrani, zuzendaria

Gehiago ikusi
Denboraldia 2024-2025
17 - 18
Urr
2024
>Arrosaren zalduna

Arrosaren zalduna

Lekua: Euskalduna Jauregia

D. Shostakovich: Piano eta orkestrarako 1. kontzertua Op. 99
A. Leng: Alsinoren heriotza
R. Strauss: Der Rosenkavalier, Suite Op. 59

Sergei Dogadin, biolina
Luis Toro, zuzendaria

Gehiago ikusi