Kontzertuak

La Traviata-2012-2013

Giuseppe Verdi


Euskalduna Jauregia.   20:00 h.

La traviata

Melodramma hiru ekitalditan
Francesco Maria Piaveren libretoa, Alexandre Dumas filsen La dame aux camélias eleberri eta antzezlanean oinarrituta
Musika: Giuseppe Verdi
Veneziako La Fenice Antzokian 1853ko martxoaren 6an estreinatua

 

Violetta Valery (sopranoa)
Flora Bervoix (mezzo-sopranoa)
Annina (sopranoa)
Alfredo Germont (tenorra)
Giorgio Germont, Alfredoren aita (baritonoa)
Gastone, Letoriereseko bizkondea (tenorra)
Barone Douphol (baritonoa)
Marchese d’Obigny (baxua)
Dottore Grenvil (baxua)
Giuseppe, Violettaren morroia (tenorra)
Domestico di Flora (baxua)
Commissario (baxua)

Kokapena: Paris eta inguruak, 1700 aldera, abuztuan eta hurrengo urtarrila eta otsailean.

 

DATAK

  • 29 iraila 2012       Euskalduna Jauregia      20:00 h.
  • 02 urria 2012       Euskalduna Jauregia      20:00 h.
  • 05 urria 2012       Euskalduna Jauregia      20:00 h.
  • 06 urria 2012       Euskalduna Jauregia      20:00 h.
  • 08 urria 2012       Euskalduna Jauregia      20:00 h.

Ezagutu hemen harpidedunak BOS izatea abantaila guztiak

   www.abao.org

La traviata

Melodramma hiru ekitalditan
Francesco Maria Piaveren libretoa, Alexandre Dumas filsen La dame aux camélias eleberri eta antzezlanean oinarrituta
Musika: Giuseppe Verdi
Veneziako La Fenice Antzokian 1853ko martxoaren 6an estreinatua

 

Violetta Valery (sopranoa)
Flora Bervoix (mezzo-sopranoa)
Annina (sopranoa)
Alfredo Germont (tenorra)
Giorgio Germont, Alfredoren aita (baritonoa)
Gastone, Letoriereseko bizkondea (tenorra)
Barone Douphol (baritonoa)
Marchese d’Obigny (baxua)
Dottore Grenvil (baxua)
Giuseppe, Violettaren morroia (tenorra)
Domestico di Flora (baxua)
Commissario (baxua)

Kokapena: Paris eta inguruak, 1700 aldera, abuztuan eta hurrengo urtarrila eta otsailean.

 

I. ekitaldia

Violetta Valery gortesau ederraren etxean gaude eta bertan festa bat ospatzen ari dira. Bertan, bere babesle eta maitale ofiziala, Douphol baroia, bere lagun mina, Flora, Bervoix, eta Pariseko goi-klaseko beste kide batzuk ere egongo dira. Festan zehar, Violettaren lagun batek, Letoriereseko Gastonek, gazte lerden eta familia oneko bat aurkeztuko dio, zurrumurruen arabera, denboraldi bat daramana Violettaz isilpean maiteminduta: Alfredo Germont. Topa egiteko unean, Alfredok maitasunezko aitortza sutsua egingo dio, baina Violettak azalkeriaz erantzungo dio.
Dantzaldia iristean, Violettak areto lasaiagoetara joan beharko du, daukan gaixotasunak eragindako eztulaldi bat dela eta; Alfredok abagunea profitatuko du gazteari bere maitasuna aitortzeko. Violettak, gaztearen liluren mende erortzeko beldurrez, beste hitzordu bat onartuko dio: eman dion lorea zimurtzen denean, berriz ikusi ahal izango dute elkar, alegia, biharamunean.
Festa bukatuta, eta behin bakarrik, Violettak ezagutu berri duen gaztearengan pentsatuko du, bere bizitzaren inguruan ere hausnarketa eginez. Hau da bere barne gatazka: batetik, Alfredok, bere maitasunarekin, bizitza berri bat eskaintzen dio, eta, bestetik, egun daraman gortesau bizimoduak, askatasun eta dibertsioz beteriko mundu batean, atzetik jarraika duen itzaletik ihes egitea ahalbidetzen dio: gaixotasuna eta heriotza goiztiarra. Urrunean, Alfredoren ahotsa entzungo da, eta badirudi erabakia hartuta dagoela.

 

II. ekitaldia

Alfredok eta Violettak badaramatzate hainbat hilabete zoriontsu elkarrekin. Baina dena perfektua zela zirudienean, Alfredok Annina neskamearen bidez jakingo du Violetta bere ondasun guztiak saldu beharrean dabilela, bere landa-etxe berria mantentzeko gastuei aurre egin ahal izateko. Orduan, Alfredo Parisera abiatuko da laguntza ekonomikoa bilatzera, horrela, Violetta jasaten ari den zama arintzeko.
Etxean bakarrik, Violettak Giorgio Germont Alfredoren aitaren ustekabeko bisita jasoko du. Honek bere semearekin daukan harremana aurpegiratuko dio, bere familiari dakarkion desohorea adierazita. Giorgiok bere alabari buruz hitz egingo dio Violettari, alegia, Alfredoren arrebari buruz, eta esango dio gizon batekin ezkontzeko hitz emanda dagoela, baina gizon horren familiak uko egiten diola ezkontza baimentzeari Alfredo Violettarekin egon bitartean, eta euren harremanaren iragankortasuna aurpegiratuko dio, izan ere, Violettak inoiz ezingo du Alfredorekin ezkondu, bere iragana dela eta. Arrazoi hauek guztiak direla eta, Giorgio Germontek irmoki eskatuko dio Violettari Alfredorekin duen harremanari uko egiteko, nahiz eta neskatilaren edukazioak eta dotoretasunak hunkituta utziko duten, eta bere sentimenduak benetakoak direla usteko du. Violettak, azkenean, onartu egingo du. Giorgio joandakoan, Violettak harremana hausteko gutun bat idatziko dio bere maiteari, hartutako erabakiaren benetako arrazoiak kontatu barik. Justu une horretan Alfredo agertuko da, eta Violetta triste eta urduri aurkitzeak harritu egingo du. Violettak maitasun aitortza sutsua egingo dio, eta Parisera ihes egingo du. Gutuna irakurritakoan, oinazeak Alfredo erotuko du eta bere aitaren besoetan aurkituko du kontsolamendua; aitak ere ez dizkio Violettak utzi izanaren benetako arrazoiak azalduko, eta semeari bere familiarekin itzultzea Provenzara gomendatuko dio. Alfredok, hala ere, mendeku hartzea baino ez du edukiko buruan.
Behin Parisen, Florak ongietorri bat ospatuko du eta bertara Violetta bere aurreko maitalearen besotik, Douphol baroiarenetik, helduko da. Tentsioa areagotu egingo da Alfredo ere festara agertzean, ankerkeria eta axolagabetasun jarrerarekin. Violettak, hura ikustean, aparteko gela batera deitu eta joateko eskatuko dio, bere egungo maitaleak hiltzeko gogoa sentituko ote duen beldur delako, baina Alfredok iseka egingo dio. Joko-mahaian irabazi berri duen dirua soinean, Alfredok gonbidatuak bildu eta adieraziko die itzuli egin nahi diola Violettari, lekukoen aurrean, beragan gastatu duen guztia. Hori esanda, neskatila desesperatuaren oinetara gau osoan irabazitako dirua botako du. Festako bertaratu guztiak eskandaluak jota geratuko dira dama baten aurreko Alfredoren jarrerarekin, bere aita barne, gelara sartu berritan bere edukazio ezagatik errieta egingo diona jendearen aurrean. Halako lotsagabekeria ikusita, Douphol baroiak duelurako erronka egingo dio Alfredori, Violettarengan konortea galtzea eraginda.

 

III. ekitaldia

Ia hilabete pasa da eta denbora horretan Violettaren egoerak nabarmen egin du okerrera: oso gaixo dago eta tisia heriotzara eramaten ari zaio. Bere Pariseko apartamentuan, Anninak zaindu egiten du, eta Giorgio Germonten gutun bat irakurtzen dio etengabe, hobeto sentituko delako itxaropenarekin. Gutun horretan, Alfredoren aitak kontatzen dio bere semearen eta Douphol baroiaren arteko dueluan Alfredok baroia zauritu zuela, eta, ondorioz, atzerrira ihes egin behar izan zuela, baina gertatutakoaren berri izan ondoren, Alfredo bera ikustera eta barkamena eskatzera joango dela iragartzen dio. Violetta beldur da Alfredo ez ote den agur esateko garaiz iritsiko.
Une horretan Alfredo helduko da, eta maitale biek hunkituta besarkatuko dute elkar, joandako garaiak oroituz. Une batez, badirudi itxaropenak errukitu egin dituela, etorkizunerako plan berriak eskainita, baina Violetta hiltzen ari da. Bere gorputzeko azken indarrekin, Violettak argazki bat emango dio Alfredori, eta bere bizitza merezi duen emakume batekin egiteko eskatuko dio. Une batez, Violetta hobeto dagoela emango du, eta estutzen duen mina sentitzeari utzi diola, baina justu une horretan Alfredoren besoetan hilko da.

 

Marc Heilbron OLBE-ABAO 2012-2013-ko Denboraldiaren Libururako

 

 

Representaciones del 29 Sept, 2, 5 y 8 Octubre        
 
Violetta Valery                Ermonela Jaho*
Alfredo Germont             José Bros
Giorgio Germont             Artur Rucinski*
Flora Bervoix                   Itxaro Mentxaka
Annina                             Ainhoa Zubillaga
Gastone                             Eduardo Ituarte
Barone Douphol              César San Martín*
Marchese D’Obigny        Damián del Castillo*
Dottor Grenvil                 Miguel Ángel Zapater
            
 
Representación del  6 de Octubre
 
Violetta Valery            Davinia Rodríguez*
Alfredo Germont         Merunas Vitulskis*
Giorgio Germont         Luis Cansino
Flora Bervoix               Itxaro Mentxaka
Annina                         Ainhoa Zubillaga
Gastone                         Eduardo Ituarte
Barone Douphol          César San Martín*
Marchese D’Obigny    Damián del Castillo*
Dottor Grenvil             Miguel Ángel Zapater
 
Bilbao Orkestra Sinfonikoa
Coro de Ópera de Bilbao
                             
Director musical                            Keri Lynn Wilson
Director de escena                            Pier Luigi Pizzi
Director del coro                                 Boris Dujin

                                                                                            
Escenografía                          
Vestuario                                    
Iluminación                             
 
                             
 Producción ABAO-OLBE, TEATRO REAL                                       

*Debuta en ABAO-OLBE

 

 

 

Info covid

Gertakarien egutegia

Al
As
Az
Og
Or
La
Ig

Erlazionatutako ekitaldiak

Denboraldia 2023-2024
18 - 19
Api
2024
>Pahud eta Mahlerren 5. sinfonia

Pahud eta Mahlerren 5. sinfonia

Lekua: Euskalduna Jauregia

Emmauel Pahud aspaldi kokatu zen txirularen esparruko gailurrean. Bere ibilbidean ziztu bizian gertatu da dena 22 urte zituela Berlingo Filarmonikoan bakarlari-plaza lortu zuenetik; bera zuzenean entzun dutenek diote bere musika amasaren luzapena bezalakoa dela. Zuzendari-titular gisa egindako ibilbideari agur esaten hasteko, Erik Nielsenek Mahlerren S. sinfonía eskainiko digu, eta haren gailurrez, haranez eta adagietto ederraz gozatuko dugu.

Abono:

XX Century Classics


Erik Nielsen, zuzendaria
Emmanuel Pahud, flauta


I

CARL NIELSEN (1865 – 1931)

Kontzertua flauta eta orkestrarako*

I. Allegro moderato
II. W. A. Mozart: Andante,flautarako Do Maiorrean, K. 315
III. Allegretto

Emmanuel Pahud, flauta

II

GUSTAV MAHLER (1860 – 1911)

5. sinfonia do sostenitu minorrean

I. Trauermarsch
II. Sturmisch bewegt
III. Scherzo: Kraftig, nicht zu schnell
IV. Adagietto
V. Rondo – Finale

*Carl Nielsenen kontzertua flauta eta orkestrarako bi mugimenduen artean Wolfgang Amadeus Mozarten andante flauta eta orkestrarako Do Maiorrean, K. 315 joko da.

Informazioa eta sarrerak
Denboraldia 2023-2024
25 - 26
Api
2024
>Erik Nielsenek Heroi bizitza bat zuzenduko du

Erik Nielsenek Heroi bizitza bat zuzenduko du

Lekua: Euskalduna Jauregia

Ein He/denleben zuzendari-lana da. Richard Straussek berak zuzendu zuen lehen emanaldian; hala ere, beste zuzendari handi bati eskainita zegoen, Mengelberg zuzendariari eta Concertgebouweko orkestrari, hain zuzen ere. Nielsenek poema sinfoniko izugarri hau aukeratu du titular gisa denboraldi honetan emango duen azken kontzerturako. Programa osatzeko, Schönberg eta Saint-Saëns musikagileen beste bi pieza ezagun izango ditugu entzungai, eta aipatzekoa da Alexandre Kantorow karismadunaren presentzia.


Charla preconcierto
2024/04/26 • 18:00 • Euskalduna. 5H Aretoa Terraza


Erik Nielsen, zuzendaria
Alexandre Kantorow, pianoa


I

ARNOLD SCHOENBERG (1874 – 1951)

Bost pieza orkestrarako Op. 16 (1949 berr.) *

I. Vorgefühle
II. Vergangenes
III. Farben
IV. Peripetie
V. Das obligate Rezitativ

CAMILLE SAINT-SAËNS (1835 – 1921)

5. kontzertua piano eta orkestrarako Fa Maiorrean Op. 103 “Egiptoarra”*

I. Allegro animato
II. Andante
III. Molto allegro

II

RICHARD STRAUSS (1864 – 1949)

Ein Heldenleben Op. 40

Heroia[Der Held] (attacca)
Heroiaren aurkariak [Des Helden Widersacher] (attacca)
Heroiaren bataila-eremua [Des Helden Walstatt ] (attacca)
Heroiaren bake lanak [Des Helden Friedenswerke] (attacca)
Erretiora mundutik eta heroiaren gailurra [Des Helden Weltflucht und Vollendung]

Informazioa eta sarrerak
Denboraldia 2023-2024
29
Api
2024
>Cámara 08

Cámara 08

Lekua: Euskalduna Jauregia

A. Schnittke: Boskotea pianoarekin
BOSen boskotea pianoarekin

A. Schnittke: Moz’ Art à la Haydn
BOSen hari-ensemblea

W. A. Mozart: Ziri musikal bat, KV 522
BOSen hari eta haize ensemblea

Informazioa eta sarrerak
04
Mai
2024
>Mozartland

Mozartland

Lekua: Euskalduna Jauregia • 0B Aretoa

Kontzertua familian
Princep Totilau + Cuarteto BOS, konpainia
Wolfgang Amadeus Mozart, musika
Pol Requesens, moldaketak

Bilbao Orkestra Sinfonikoa

­2 urtetik aurrera

PREZIOAK:
Orokorra 10 €
BOSaren abonatuak* 9 €
* Abonatuentzako deskontudun erosketak webguneko “eremu pertsonalean” edo leihatilan baino ezin dira egin.

“Mozartland” kontzertu-ikuskizun bat da, publikoa gonbidatzen duena Mozart txikiaren eta bere arreba Nannerlen jolas gelan esertzera, hezur-haragizko bi haurrek interpretatuta. Han, musikagilearen zuzeneko musikarekin, harizko eta txirulazko laukote baten eskutik, hiru aktorek maskarekin antzezten dituzte Salzburgoko jenio txikia gehien dibertitu zuten ipuin herrikoiak: igela, printzesa, erregea, txanogorritxoa, otsoa, amona, Hansel eta Grettel, sorgina eta Bremengo musikariak.

Bere jokoarekin, Mozart bi anaiak ipuinetako istorioak eta protagonistak edertasun, egia eta ontasun bihurtzen saiatuko dira, urte batzuk geroago Wolfgangek bere musikarekin egingo zuen bezala.

Sarrerak 2023ko abenduaren 1etik aurrera jarriko dira salgai.
Garrantzitsua: ­aretora ­sartu­ nahi duten ­persona ­guztiek­ (adina edozein dela ere) ­dagokien ­sarrera ­aurkeztu ­behar ­dute.

Informazioa eta sarrerak