15: 20:00h.
17: 20:00h.
19: 19:00h.

“L’equivoco stravagante” (Gaizkiulertu bitxia) opera bufoaren estiloko obra bat da, Gioacchino Rossini-ren musika eta Gaetano Gasbarri-ren libretoa dituena. Bolognako Teatro del Corso antzokian estreinatu zen 1811ko urriaren 26an eta eszenatoki gainean interpretatutako Rossini-ren bigarren konposaketa izan zen. Estreinaldiak arrakasta izan bazuen ere, hiru antzezpen baino ez ziren egin. Pertsonaia guztiek emakume protagonistari buruz partekatzen duten okerreko usteak -zikiratu bat dela sortzen dituen nahaste dibertigarri eta korapilatsuek zentsoreen pazientzia beti urria ahitu zuten, eta lana debekatua izan zen. Ahanzturatik salbatu nahian, Rossinik opera honetako zatiak ondoren konposatu zituen zenbait lanetan txertatu zituen.

Berrehun urtetik gora igaro ondoren datorkigu beraz lan hau aktore bikainek interpretatua eta Speranza Scappuccik zuzendutako BOS-Bilbao Orkestra Sinfonikoarekin eta Rossini Abesbatzarekin. Orkestra zuzendari erromatar gazte honek ibilbide arrakastatsua izan du pianojole gisa eta orain operaren esparruko zuzendari berri aldakor eta dinamikoenetako bat bihurtzen ari da.

Produkzioa Arriaga Antzokiarena da, jatorriz Pesaroko Rossini Opera Festival jaialdikoa, Emilio Sagi delarik eszena zuzendaria. Sagiri buruz kritikak azpimarratu du “izugarrizko gaitasuna duela obraren espiritu teatral eta musikalarekin bat datozen ideia bikainak izateko eta horien bitartez obraren zentzua indartzeko eta egungo publikoarengana areago hurbiltzeko”.

IRAUPENA: 2 ordu
Atsedenak: 20 minutu