{"id":27091,"date":"2023-03-02T13:24:53","date_gmt":"2023-03-02T11:24:53","guid":{"rendered":"https:\/\/bilbaorkestra.eus\/?p=27091"},"modified":"2023-03-02T15:16:02","modified_gmt":"2023-03-02T13:16:02","slug":"musika-musican-ia-120-urteko-historia-duen-partitura-bat-darabilgu","status":"publish","type":"post","link":"https:\/\/www.bilbaorkestra.eus\/eu\/musika-musican-ia-120-urteko-historia-duen-partitura-bat-darabilgu\/","title":{"rendered":"Musika-M\u00fasican ia 120 urteko historia duen partitura bat darabilgu"},"content":{"rendered":"

Bilbao Orkestra Sinfonikoaren partitura-artxiboan zenbait altxor txiki daude, BOSen historia biltzen dutenak, eta, sarritan, baita askoz gehiago ere.<\/p>\n

Altxor horietako bat da Felix Mendelssohn konpositorearen Uda gau bateko ametsa<\/em> (Ein Sommernachtstraum<\/em>), eta Musika-M\u00fasica 2023 jaialdiaren hasierako kontzertuan interpretatuko dugu. Kontzertu hori ostiral honetan izango da, martxoaren 3an, 19:00etan.<\/p>\n

\"Felix
Felix Mendelssohn<\/figcaption><\/figure>\n

Obra horren partitura Breitkopf & H\u00e4rtel argitaletxeak argitaratu zuen, ustez munduko musika-argitaletxerik zaharrena dena, eta Bilboko Sozietate Filarmonikoaren <\/strong><\/a>zigilua darama, gure orkestra sinfonikoaren sorrera bultzatu zuten Bilboko kultura-erakundeetako batena, hain zuzen.<\/p>\n

\"\"<\/a>
Triangelurako partitxelan musikariek idatzitako oharrak perkusiorako beste partitxela baten parean (zinbalak-txindatak).<\/figcaption><\/figure>\n

Eta partitxeletako baten azken orrialdeak (obrako instrumentu bakoitzari dagokion partitura da partitxela), sorpresa txiki bat eta historiaren aztarna batzuk ere gordetzen ditu.<\/p>\n

Zehazki, Mendelssohnen pieza hori jotzeko triangelurako partitxela erabili zuten musikari askok beren izena eta jotzeko data utzi zituzten bertan idatzita.<\/p>\n

Horietako hiru gure orkestrako kide izan ziren.<\/p>\n

\"\"<\/a>
Triangelurako partitxelaren azken orrialdearen xehetasuna. Bertan, musikarien oharrak ikus daitezke: izena, sinadura eta jotzeko urtea.<\/figcaption><\/figure>\n

Esteban Novoa 1932an<\/strong><\/h3>\n
\"\"<\/a>
Kontzertuari erreferentzia. El Pueblo Vasco, 1932ko azaroaren 27a<\/figcaption><\/figure>\n

1932ko azaroaren 27an Bilboko Sozietate Filarmonikoan Arambarri Maisuak zuzenduta emandako kontzertu batean.<\/p>\n

Bertan, aipatutako Mendelssohnen obra horretaz gain, Borodinen Asia erdialdeko estepetan<\/em> eta Stravinskiren Suzko txoria 2. suite<\/em> obrak ere jo ziren.<\/p>\n

Bitxikeria bat aipatze aldera, partitxelan idatzitako data azaroaren 21a da. Dudarik gabe, egun horretan perkusionistak partitxela eskuratu zuen saioak hasteko.<\/p>\n

Jaime Adsuar 1947an<\/strong><\/h3>\n
\"El<\/a>
El Correo Espa\u00f1ol – El Pueblo Vasco. 1947ko maiatzaren 4ko kontzertuari eta ondorengo birari erreferentzia<\/figcaption><\/figure>\n

Mendelssohnen pieza hori, Arambarri maisuaren zuzendaritzapean, 1947ko maiatzaren 4an interpretatu zen Buenos Aires Antzokian, denboraldi sinfonikoaren barruan, Ravelen Dafnis eta Cloe, zati sinfonikoak<\/em> eta Wagnerren Tristan eta Isolda, Isoldaren preludioa eta heriotza<\/em> obrarekin eta Tannh\u00e4user<\/em> operaren oberturarekin batera.<\/p>\n

Baina partitura horrek urtean zehar bidaiatu behar izan zuen, denboraldiko kontzertu horren ondoren BOSek udaberriko birari ekin baitzion, eta bira horretako etapa batzuetan interpretatu zen:<\/p>\n