{"id":12978,"date":"2019-04-10T11:52:51","date_gmt":"2019-04-10T09:52:51","guid":{"rendered":"https:\/\/bilbaorkestra.eus\/eu\/temporada-2019-2020\/"},"modified":"2019-09-26T17:00:29","modified_gmt":"2019-09-26T15:00:29","slug":"2019-2020-denboraldia","status":"publish","type":"page","link":"https:\/\/www.bilbaorkestra.eus\/eu\/2019-2020-denboraldia\/","title":{"rendered":"2019-2020 Denboraldia"},"content":{"rendered":"
\n
\n
\n

Denboraldi Sinfonikoa 2019-2020<\/strong><\/h2>\n
\"Erik<\/figure>\n

EUROPA<\/h3>\n

Europa: hurbila bezain begi-bistakoa dugun kontzeptua da, baina beharrezkoa da hura erreibindikatzen jarraitzea. Belaunaldi berrientzat litekeena da akordio ekonomiko bat baino ez izatea, askatasunez mugitzeko espazio bat, bake eta gizarte-kidetasunezko leku bat, eta ez da gutxi, baina, horretaz guztiaz gain, Europak kultura-nortasun sakonean hondoratzen ditu bere erroak. Hortaz, BOSen, arreta jarri nahi dugu Europa zaharraren eta berriaren ideiaren inguruan, mendebaldeko kulturaren hazia baita, eta, beraz, gure musika-tradizioarena. Gainera, ideia nagusi horri lotuta, Europak beste ikasbide batzuk ere eskaintzen dizkigu: bidaia, ezagutza-iturri gisa (Mendelssohn, Berlioz, Guridi); errautsetatik birsortzeko gaitasuna (Sch\u00f6nberg, Beethoven); edota ezberdinen artean sortzen diren kidetasun sakonen aberastasuna (Verdi, Wagner).<\/p>\n

Egia da Europa presente dagoela errepertorio sinfonikoaren zati handi batean, modu naturalean egon ere, baina lau egitarau berezi egin ditugu ideia horien gainean berariaz hausnartzeko, eta haiekin osatu dugu denboraldi berriaren egitura tematikoa. Hala, bidaia inspiratzailea, herrien arteko errespetua eta mirespena aurkituko ditugu bi musikari handien lanetan, biak ala biak bidaiari handiak: Mendelssohnen Hirugarren sinfonian (Ezkoziarra) eta Hebridak oberturan, eta Berliozen Harold Italian sinfonian. Bestalde, bi koloso itxuraz oso ezberdinen arteko osagarritasunaren ideiaz hausnartzeko, Verdi eta Wagner musikari handiak aurrez aurre jartzeko erronka hartuko dugu, emanaldi bakanean. Eta, azkenik, zikloaren goreneko puntuan, Beethovenen 9. sinfonia eskainiko dugu, senidetasunari egindako inoizko kanturik handiena, zeinaren aurretik Sch\u00f6nbergen A survivor from Warsaw kontakizun lazgarria entzungo dugun: moralki birrinduta dagoen Europa batez ari zaigu, zeinak Beethovenen kantuak hain ondo irudikatzen duen adiskidetzeko indarra aurkituko baitu, non eta bere herrien arteko elkar aditzean. Ilunpetik argirako bidaia egingo dugu, beraz, Bilboko Koralarekin batera, gure Gabonetako egitarauan.<\/p>\n

Beste film klasiko handi bat: Singin ‘in the Rain<\/h3>\n

Beste tonu batean, eta West Side Story emanaldiaren arrakastaren ondoren, zinemaren historiako beste musikal handienetako baten txanda izango da. Singin ‘in the Rain, Gene Kellyren eta Stanley Donenen film klasikoa, Estatu Batuetako zinemako musikalik onentzat jo du American Film Institute erakunde adituak, eta film horixe ikusiko dugu, BOSek haren soinu-banda zuzenean interpretatuko duelarik. Beste hurbilpen bat, gero eta arrakasta handiagoa duen formatu batera.<\/p>\n

Piano-jotzaile talde izar bat: Ach\u00facarro, Zacharias, Perianes eta Jussen anaiak<\/h3>\n

Denboraldiak piano-jotzaile bakan batzuk elkartuko ditu. Haietako bakoitza bere belaunaldiko buruen taldean dago, eta, elkarren ondoan jarrita, berriz, XX. eta XXI. mendeetako pianismoari buruzko ikuspegi berezia osatzen dute. Batetik, gure interpretatzaileen patriarka Joaqu\u00edn Ach\u00facarrok Edvard Griegen kontzertua eskainiko digu \u2013ez ahaztu, familia-lotura dutela\u2013. Bestetik, Christian Zachariasen itzuleraz disfrutatuko dugu, oraingoan Schumannen obren monografiko bat jo eta zuzenduko duelarik. Bestalde, gaur egun munduko orkestra onenen denboraldietan instalatuta dagoen Nervako piano-jotzaile Javier Perianesen une distiratsuaz gozatuko dugu, ondo gozatu ere, Beethovenen Enperadorea interpretatuko baitu. Azkenik, etorkizuna aurrez aurre, Arthur eta Lucas Jussen anaiak izango ditugu \u2013benetako izarrak Erdialdeko Europan\u2013, haiek inork baino hobeto irudikatzen baitute bikaintasuna, batetik, eta irudi moderno eta erakargarria, bestetik, ondo uztartzen direla baita muska klasikoan ere. <\/p>\n

Amancio Prada eta haren Kantiko Espirituala<\/h3>\n

42 urte igaro dira Amancio Pradak San Juan de la Cruz mistikoaren olerkiari ahotsa eman zionetik. 1977koa da sorkuntza-lan berri hura jaso zuen diskoa, zeina berehala kultukoa bihurtu baitzen, eta kantautoreak mundu osoko 270 agertokitan baino gehiagotan aurkeztu du urteotan. Orain gure txanda iritsi da. Denboraldi berrian, Fernando Vel\u00e1zquezen orkestrazioari esker, aukera izango dugu Amancio Prada entzuteko Kantiko Espirituala interpretatzen, Ondarreta Abesbatza eta haren zuzendari I\u00f1aki Moreno lagun izango dituelarik, obra hori bikain ezagutzen baitute.<\/p>\n

Leonard Slatkin eta Shiyeon Sung zuzendariak, lehen aldiz BOSekin<\/h3>\n

Denboraldi honetara gonbidatu ditugun zuzendarien artean, nabarmentzekoa da Leonard Slatkin izen handiko maisua. Ibilbide luze bezain aberatsean, zuzendari titularra izan da Estatu Batuetako sona handiko zenbait orkestratan, besteak beste, Saint Louisekoan, Detroitekoan eta Washingtoneko National Symphony Orchestran; egun, Lioneko Orkestra Sinfonikoaren titulartasuna du. Bestalde, Shiyeon Sung zuzendariak ere lehen aldia izango du gure artean. Emakume hau mugak apurtzen ohituta dago: bera izan zen Solti lehiaketa irabazi zuen lehen emakumea, eta Bostongo Orkestra Sinfonikoaren zuzendari laguntzailea izan da. Beste izen aipagarri batzuk ere badira: Giancarlo Guerrero \u2013zeinak kontzertu bikainak eskaini baitizkigu azken denboraldietan\u2013, V\u00edctor Pablo P\u00e9rez eta, azkenik, Nuno Coelho, etengabe gora doan zuzendari gazte portugaldarra.<\/p>\n

Verdi vs Wagner, eta bakarlari talde erakargarri bat<\/h3>\n

Denboraldiko erronketako bat Lester Lynch baritonoak egingo du. Gau berean, operako bi europar koloso handik sortutako zenbait rol interpretatuko ditu, hain zuzen ere, Verdik eta Wagnerrek sortutako rol nagusi batzuk: Macbeth, Iago eta haren Kredoa, Holandar alderraia eta Walkiriari amaiera ematen dion Wotanen Agur hunkigarria. Erronka benetakoa, gaur-gaurkoz dugun baritono handienetako batentzat.<\/p>\n

Bakarlarien atala osatzeko, batetik, berriro gonbidatu ditugu Philippe Quint eta Soyoung Yoon biolin-jotzaileak, oso oroitzapen ona gordetzen baitugu haiei buruz, eta, bestetik, zenbait bakarlari aurkezteko aukera izango dugu: Pablo Ferr\u00e1ndez eta Maximiliam Hornung biolontxelo-jotzaile gazteak, Nils M\u00f6nkemeyer biola-jotzailea, zeinak Mozarten kontzertantea interpretatuko baitu Giulia Brinckmeier gure kontzertinarekin batera, eta, ilusio handiz, gure tronpa-bakarlari Luis Fernando N\u00fa\u00f1ez ere aurkeztuko dugu. <\/p>\n

Juan de la Rubia, BOSbaroque programan<\/h3>\n

Organoak protagonismoa hartuko du gure programa barrokoan, oraingo honetan organo historikoa interpretatzen nabarmendu den maisu handi baten eskutik: Juan de la Rubia. Haren programan konbinatuko ditu, batetik, birtuosismo handia eskatzen duten H\u00e4ndelen zenbait kontzertu, eta, bestetik, Bachen kantata zati batzuk, Marta Infante mezzoa lagun duela.<\/p>\n

Kontzertuak Iru\u00f1ean, Valladoliden eta Logro\u00f1on<\/h3>\n

2019ko urtarrilean egin ziguten bisita itzultzeko, Gaztela eta Leongo Orkestra Sinfonikoak eta Nafarroako Orkestra Sinfonikoak antolatu dituzten denboraldietan hartuko dugu parte hurrengo hilabeteetan. 2019ko urrian eta 2020ko maiatzean izango dira irteerak, hurrenez hurren, eta, bi kasuetan, Erik Nielsen gure zuzendari titularra izango dugu buru, eta Joaqu\u00edn Ach\u00facarro, lagun. Valladolideko kontzertuetatik bueltan, aukera izango dugu berriro ere Logro\u00f1oko Riojaforum Auditoriumean jotzeko.<\/p>\n

\"BOS<\/figure>\n

Sorkuntza berria: Samy Moussa, Ferran Cruixent eta Marcos Fern\u00e1ndez <\/h3>\n

Musika berriak ere leku nabarmena izango du gure denboraldian. Apustu egin dugu Sammy Mousa kanadar konpositore gaztearen alde: aurreko denboraldian ezagutu genuen, eta, gaur-gaurkoz, Montrealgo Sinfonikoa eta Vienako Filarmonikoa bezalako orkestra ospetsuentzat lan egiten du. Bestalde, Leonard Slatkin maisu handiaren eskutik, Ferran Cruixenten musika harrigarria ezagutuko dugu; konpositore katalanak lanak egin ditu dagoeneko Detroiteko Sinfonikoa edo Staatskapelle Weimar bezalako entzute handiko orkestrentzat. Eta, azkenik, AEOS-BBVA Fundazioaren IX. Konposizio Saria irabazi zuen lana aurkeztuko dugu, Marcos Fern\u00e1ndezen Nokturno sinfonikoa.<\/p>\n

ABONU TEMATIKOA<\/span> EUROPA<\/span><\/h2>\n

Denboraldi sinfonikoa: 5, 7, 9, 17<\/span><\/p>\n

Europa: hurbila bezain begi-bistakoa dugun kontzeptua da, baina beharrezkoa da hura erreibindikatzen jarraitzea. Belaunaldi berrientzat litekeena da akordio ekonomiko bat baino ez izatea, askatasunez mugitzeko espazio bat, bake eta gizarte-kidetasunezko leku bat, eta ez da gutxi, baina, horretaz guztiaz gain, Europak kultura-nortasun sakonean hondoratzen ditu bere erroak. Hortaz, BOSen, arreta jarri nahi dugu Europa zaharraren eta berriaren ideiaren inguruan, mendebaldeko kulturaren hazia baita, eta, beraz, gure musika-tradizioarena. Gainera, ideia nagusi horri lotuta, Europak beste ikasbide batzuk ere eskaintzen dizkigu: bidaia, ezagutza-iturri gisa (Mendelssohn, Berlioz, Guridi); errautsetatik birsortzeko gaitasuna (Sch\u00f6nberg, Beethoven); edota ezberdinen artean sortzen diren kidetasun sakonen aberastasuna (Verdi, Wagner).<\/p>\n

Egia da Europa presente dagoela errepertorio sinfonikoaren zati handi batean, modu naturalean egon ere, baina lau egitarau berezi egin ditugu ideia horien gainean berariaz hausnartzeko, eta haiekin osatu dugu denboraldi berriaren egitura tematikoa. Hala, bidaia inspiratzailea, herrien arteko errespetua eta mirespena aurkituko ditugu bi musikari handien lanetan, biak ala biak bidaiari handiak: Mendelssohnen Hirugarren sinfonian (Ezkoziarra) eta Hebridak oberturan, eta Berliozen Harold Italian sinfonian. Bestalde, bi koloso itxuraz oso ezberdinen arteko osagarritasunaren ideiaz hausnartzeko, Verdi eta Wagner musikari handiak aurrez aurre jartzeko erronka hartuko dugu, emanaldi bakanean. Eta, azkenik, zikloaren goreneko puntuan, Beethovenen 9. sinfonia eskainiko dugu, senidetasunari egindako inoizko kanturik handiena, zeinaren aurretik Sch\u00f6nbergen A survivor from Warsaw kontakizun lazgarria entzungo dugun: moralki birrinduta dagoen Europa batez ari zaigu, zeinak Beethovenen kantuak hain ondo irudikatzen duen adiskidetzeko indarra aurkituko baitu, non eta bere herrien arteko elkar aditzean. Ilunpetik argirako bidaia egingo dugu, beraz, Bilboko Koralarekin batera, gure Gabonetako egitarauan.<\/p>\n

\"BOS<\/figure>\n

Abona zaitez<\/a><\/p>\n<\/div>\n

\n

Abono berrien salmenta<\/h3>\n

Abona zaitez<\/a><\/p>\n

Sarreren salmenta<\/h3>\n

Sarrerak erosi<\/a><\/p>\n<\/div>\n

\n

IRAKURRI ALDIZKARIA<\/h2>\n

<\/p>\n

\n
\n
\n

BOS 2019-2020<\/h4>\n

Flipbook aldizkaria<\/p>\n<\/div>\n<\/figcaption>\"\"<\/figure>\n

 <\/p>\n<\/div>\n

<\/a>\n<\/div>\n

\n